Құрманғазы атындағы Мәдениет сарайында «тиісті» жөндеу қашан басталады?

Сәулет және қала құрылысы ескерткішін күрделі жөндеудің ғылыми-жобалық құжаттамасын әзірлеу әлі де жалғасуда.

Еске салсақ, осы жылдың қаңтар айында қалалық әкімдік «Қазреставрация» РМК мамандары «Тарихи-мәдени мұра объектілерін қорғау және пайдалану туралы» ҚР Заңының талаптарын бұзу фактілері анықталуына байланысты жанжалдан кейін әзірленген ғылыми-жобалау құжаттамасының дайын екенін хабарлаған болатын. Дегенмен, олар айтқандай, ештеңе өзгермеді. Жасалды деген құжаттама қазір пысықталып жатқаны белгілі болды.

Атырау қаласының әкімі Шәкір КЕЙКИННІҢ айтуынша, бұрын ішкі көріністі қалпына келтіруге немесе тозығы жеткен көне элементтерді толықтай заманауи құрылымдарға ауыстыруға қатысты кейбір жайттар ескерілмеген. Бұл паркет еден, креслолар, люстралар, терезе жақтаулары, оюлар және т.б. Мысалы, Мәскеу метрополитені шеберханаларында жасалған көрермендер залындағы үлкен түпнұсқа люстра қалады, ал креслоларды ауыстыруға тура келеді.

– «Қазреставрация» РМК жұмыстың 90 пайызын орындаған. Ғылыми-жобалау құжаттамасы мемлекеттік сараптамадан оң қорытынды алғаннан кейін күрделі жөндеу жүргізуге тендер жарияланады», - деді әкім.

Ал әзірге Мәдениет сарайы іс-шаралар мен келушілер үшін бір жарым жылдан бері жабық тұр.

Лев ГУЗИКОВ 

Суретті түсірген автор