В Атырау
0 
Қалалық әкімдікте Жилгородоктағы Құрманғазы атындағы Мәдениет сарайының жырға айналған күрделі жөндеу жұмыстарының бүгінгі ахуалы айтылды.
Қадағалау органы «Ақ Жайық» газеті редакциясының бүкіл жіберілген заң бұзушылықтар сипатталған жазбаша өтінішінен кейін тексеруді бастады. Әзірленген жобалық-сметалық құжаттамада Мәдениет сарайының бірегей ғимараты республикалық маңызы бар сәулет және қала құрылысы ескерткіші мәртебесіне ие екені ескерілмеген.
Осыдан кейін қала әкімдігі барлығын екшеп, яғни барлық заң нормаларын сақтай отырып жасауды жоспарлады. Алайда, «тиісті» күрделі жөндеудің әлі басталмағаны белгілі болды.
Атырау қаласының әкімдігі «Азамат құрылыс» серіктестігінің 134,9 миллион теңге көлемінде төленген авансты бюджетке толығымен қайтарғанын хабарлады. Ал 2023 жылдың қазан айында ғимаратты күрделі жөндеуге ғылыми-жобалық құжаттаманы дайындауға тендер өткізілді. Оны 10,8 млн теңге көлемінде қызметтер ұсынған ҚР Мәдениет және ақпарат министрлігінің «Қазреставрация» РМК жеңіп алды. Жұмыс уақытында – 30 желтоқсанға дейін аяқталды.
«Қазіргі уақытта күрделі жөндеу жұмыстарын жүргізуге тендер жарияланған жоқ», - делінген әкімдіктің жауабында.
Ал, көктемде Мәдениет сарайының іс-шаралар мен келушілер үшін жабылғанына тура бір жыл толады.
Лев ГУЗИКОВ
«АЖ» мұрағатынан алынған сурет