«ҚазТехМұнайСервис» ЖШС-нің бас директоры тағайындалды

«ҚазТехМұнайСервис» ЖШС бас директоры болып Ерқанат Сағатұлы Қайбалдиев тағайындалды.

Ерқанат Қайбалдиев 1975 жылы Атырау облысында туған. Мұнай-газ саласында 25 жылдан астам тәжірибесі бар, өндірісті басқару, ұңғымаларды жөндеу және жобаларды дамыту бағыттарында қызмет атқарған.

1998 жылы Ш. Есенов атындағы Техникалық университетті «Тау-кен инженері» мамандығы бойынша бітірген. 2021 жылы Қазақстан-Британ техникалық университетінде мұнай-газ саласында MBA дәрежесін алған.

Кәсіби жолын 1999 жылы Partex & Oman Oil Kazakhstan Dunga жобасында супервайзер ретінде бастаған, кейін Maersk Oil және Total E&P Dunga жобаларында түрлі инженерлік және басқарушылық лауазымдарды атқарған:

• аға инженер;

• жөндеу бөлімінің бастығы;

• ұңғымаларды қызмет көрсету менеджері;

• өндіріс пен қолдау департаментінің жетекшісі.

2022 жылдан бері «ҚазТехМұнайСервис» ЖШС-де қызмет етеді:

• жаңа жобалар менеджері;

• 2025 жылдан бастап жаңа жобалар бойынша бас директордың орынбасары.

Компания ұңғымаларды капиталдық және ағымдағы жөндеу қызметін көрсетеді, Атырау, Маңғыстау және Ақтөбе облыстарындағы ірі мұнай-газ операторларымен серіктес.

Айта кетсек, 2022 жылдың күзінде Исатай, Жылыой, Мақат және Қызылқоға аудандарындағы қызметкерлер жалақыны көтеруді және «Ембімұнайгаз» мекемесінің қарамағына қайтаруды талап етіп, түнгі ауысымға шығудан бас тартқан  еді.