Премьер-министр Астрахань трассасын тікұшақпен тексерді

21 қазанда ҚР Премьер-Министрі Асқар Мамин Атырау облысына келіп, Ақтөбе - Атырау - Астрахань көлік жолын қалпына келтіру барысын тексерді. Ол қандай көлікпен жүрді? Ол жерге автокөлікпен барды ма?

«АЖ»-ға белгілі болғандай, Атырауда премьерде автокөлік кортежі болмаған. Ұшақ Атырау халықаралық әуежайына қонғаннан кейін тікұшақпен дереу тексеру орнына келген. Ал оған дейін Ақтөбе облысында болған.

«АЖ» тілшісі тексеру нәтижесін білу үшін премьер-министрдің баспасөз қызметінің қызметкері Темірлан ЖАБАЕВҚА қоңырау шалды, бірақ ол тілдескісі келмеді.

Бұдан бұрын А.Мамин Атырауға 14 қазанда келіп, жақында пайдалануға берілген КТҚ мен қала ішіндегі басқа да бірқатар нысандарға барады деп күтілген еді. Жергілікті компаниялар мұқият дайындалды, бірақ премьер-министрдің жоспары өзгерді.

Фархат АБИЛОВ