Браконьерлікпен күресуші үш жарым жылға сотталды

7 тамызда №2 қалалық сотта Атырау облыстық ПД Балық қорына қылмыстық қол сұғушылықпен күрес бөлімінің бастығы Б.Досановқа қатысты үкім шықты.

Еске салсақ, оның ісі 17 шілдеде сотқа жолданған. Ал ол маусым айының соңында қара балық аулаумен және сатумен айналысатын ЖШС басшысынан кәсіпкерлік қызметті кедергісіз жүзеге асыру және жалпы қамқорлық жасау үшін 1,5 миллион теңге көлемінде пара алды деген күдікпен ұсталған еді.

Бұдан бұрын, сотқа дейінгі тергеу ҚПК-тің 190-бабы (Сотқа дейінгі жеделдетілген тергеп-тексеру) бойынша жеделдетілген тәртіппен аяқталғаны нақтыланған еді.

Сот Б.Досановқа үш жыл жарымға бас бостандығынан айыру жазасын белгіледі. 

Айнұр САПАРОВА