Атырауда супермаркеттен ер адамды жедел жәрдем алып кетті

Супермаркетке келген азаматтың денсаулығы аяқ астынан нашарлап кетіп, облыстық ауруханаға жеткізілді.

Ер адам әрең қозғалып, сөйлей алмай қалған. Көп ұзамай ол қатты дірілдей бастайды. Дүкенде жүрген СОБР қызметкерлері оған қауіпсіз қалыпта жатуға көмектесіп, жедел жәрдем шақырды.

Дәрігерлер келгенге дейін олар ер адамның жағдайын және тыныс алуын бақылап отырды.

Атырау облыстық денсаулық сақтау басқармасының баспасөз қызметі «Ақ Жайыққа» хабарлағандай, науқасқа облыстық ауруханада медициналық көмек көрсетілді.

Анастасия ШЕРСТЯНКИНА