В Атырау -16 
«Теңізшевройл» ЖШС Теңіз және Қоролевское кен орындарында мұнай өндірудің уақытша тоқтатылғанын растады.
Компанияның қоғаммен байланыс жөніндегі менеджері Фархат Абиловтың айтуынша, шешім қауіпсіздік мақсатында қабылданған.
«Бұл шешім өндірістік нысандардағы электр энергиясын тарату жүйелеріне әсер еткен жағдайға байланысты қабылданды. Зардап шеккендер жоқ, ал қызметкерлердің қауіпсіздігі компания үшін ең жоғары басымдық болып қала береді», — деді ол.
Оның сөзінше, компанияның техникалық қызметтері қазіргі уақытта оқиғаның алғашқы себебін анықтау жұмыстарын жүргізіп жатыр.
«ТШО-ның техникалық қызметтері оқиғаның себебін анықтау бағытында белсенді жұмыс жүргізіп жатыр, басты басымдық – жағдайды қауіпсіз түрде жою», — деп атап өтті ол.
Компания сондай-ақ мемлекеттік органдармен тұрақты байланыста екенін хабарлады.
«ТШО мемлекеттік органдармен тығыз қарым-қатынаста жұмыс істеп, жағдайдың ықтимал салдарын барынша азайтуға күш салуда. Теңіз кен орны мен барлық өндірістік нысандар қауіпсіз және сенімді қорғауда», — деп қосты компания өкілі.