Теңіздегі қою қара түтін: не болып жатыр?

Теңіз кен орнының өндіріс алаңында газ алауынан пайда болған қою қара түтін тіркелді. Оқиғаның кадрлары редакцияның қоржынына түсті.

Алау қондырғылары мұнай-газ өндірісінің штаттық бөлігі және ілеспе газды жағу үшін қолданылады. Алайда, қара түтін, әдетте, жану режимінің тұрақсыздығын көрсетеді және жабдықты тоқтатып немесе қайта іске қосқан кезде, сондай-ақ газды мәжбүрлі түрде шығарған кезде пайда болуы мүмкін.

Жарияланым кезінде болған оқиғаның себебі туралы ресми ақпарат түскен жоқ. Редакция "Теңізшевройл" ЖШС-не сауал жолдап, ресми хабарлама күтіп отыр. 

Видеоны түсірген Н.Жунасов