Үндістанда керме көпір құлап, 132 адам көз жұмды

774 просмотра

Үндістанның Гуджарат штатында төтенше жағдай болды. Керме көпірде тұрған жүздеген адам суға құлап кетті. 132 адам қаза болды, деп хабарлайды Sputnik Қазақстан NDTV арнасына сілтеме жасап.

Мачху бөгетінде орналасқан көпір 140 жыл бұрын салынған. Соңғы екі жыл жабық болды. Бұған дейін жөндеу жұмыстары басталып, биыл 26 қазанда аяқталған.

Жергілікті биліктің мәліметіне сәйкес, керме көпір құлағанда оның үстінде 500-ден астам адам тұрған. Балалар да көп болған. Барлығы жергілікті мейрамдарға арналғна дәстүрлі әдет-ғұрыпты жасауға жиналды. Апат кезінде 350-ден астам адам суға құлап кетті. 177-сі құтқарылды.

Төтенше жағдай жексенбі күні кешкі сағат 18:42-де болған. Құтқару операциясы басталды. Оған әскерилер, сондай-ақ, теңіз флоты мен әуе күштері де тартылды.

Үндістанның премьер-министрі Нарендра Моди Гуджарат және Раджастхан штаттарына үш күндік сапармен шыққан. Енді төтенше жағдайға байланысты бұқаралық шараларға қатыспайтын болды. Моди апат болған жерге баруы мүмкін.

31 қазан 2022, 10:41

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.