Атырауша дуалау

Әлеуметтік желіде Атыраудағы бейіт басында түсірілген бейнежазба жарияланды. Онда небір дуалау әдісі туралы айтылады. Өзін жын қақты деген бір әйел Сары ата әулиенің қабірінің басында өзінің дуаланғанын айтып, сол жерді көрсетеді.  

Қабірдің жанынан бірнеше адамның аты жазылған қағаздар, қасық, көзілдірік, қан жағылған маталар табылды. Қағазда адамның атынан бөлек оның жұмыс орны, ЖСН нөмірі, көліктің нөмірі көрсетілген. 

- Дуалауға адамның жеке заттарын пайдаланады. Осылай адамдардың тағдырын бұзады, отбасымен араздастырады, - дейді кадр сыртындағы дауыс. 

Бұл бейнежазба ел арасында қызу талқыға түсті. ҚМДБ Атырау облыстық филиалындағылар оларға әзірге мұндай арыз-шағым түспегенін айтады. Ал Полиция департаменті "жиналған құжаттар Атырау облыстық дін істері басқармасына жолданды" деп хабарлады. 

Фархат АБИЛОВ