Атырау, 27 қараша 11:35
 бұлыңғыр боладыВ Атырау +3
$ 465.38
€ 483.58
₽ 7.69

АҚШ ұшақ тасығышын Жапония теңізіне орналастырды

784 просмотра

Солтүстік Корея орта қашықтықтағы құрлықаралық баллистикалық зымыранын ұшыруы себепті АҚШ Әскери-теңіз күштерінің Ronald Reagan ядролық ұшақ тасығыш кемесі Жапон теңізінің жағалауына қайта орналастырылатын болды, деп хабарлайды Zakon.kz.

Бұл туралы Оңтүстік Кореяның  Yonhap агенттігі Оңтүстік Корея қарулы күштерінің штаб бастықтарының біріккен комитетіне сілтеме жасап мәлімдеді.

Бұл КХДР тарапынан болатын кез келген арандатушылыққа барынша батыл әрекет етуге дайын екенін көрсету мақсатында жасалған әрекет екені айтылды.

Агенттік бұл Пхеньянға АҚШ пен Оңтүстік Кореяның КХДР-дың "арандатушылықтарына" жауап беруге әзірлігіндегі бірлігін көрсетуі керек деп жазды. Кеменің авиатасымалдаушы тобы бірнеше ондаған ұшақ пен тікұшақтардан тұрады.

Сейсенбі, 4 қазанда Солтүстік Корея зымыран ұшырды, ол Жапонияның солтүстік префектурасы Аомори арқылы ұшып, Тынық мұхитындағы Жапонияның айрықша экономикалық аймағынан тысқары жерге құлады. Жапон тарапының айтуынша, КХДР "Хвасон-12" типті құрлықаралық баллистикалық зымыранды ұшырған болуы мүмкін. Сонымен бірге ол 4,6 мың шақырым қашықтықты еңсере алды, бұл – Пхеньян жүргізген барлық сынақтардың ішіндегі ең жоғары көрсеткіш. Бұл – Солтүстік Кореяның жыл басынан бергі 23-зымыран сынағы.

6 қазан, 09:53

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.