Атырау, 29 наурыз 05:37
 ашықВ Атырау +4
$ 448.15
€ 483.46
₽ 4.86

Саумал - шипалы сусын әрі табыс көзі

1 014 просмотра

Сарытоғайлық Талап Қажимов пен Зәмзәгүл Жаңабаева бес жылдан бері жылқы шаруашылығына бет бұрған. Қазір саумал сатуды отбасылық кәсіпке айналдырып, аудан халқының алғысына бөленіп келеді, деп хабарлайды Махамбет ауданы әкімдігінің баспасөз қызметі.

-1998-2008 жылдар аралығында Теңіз кен орнында монтаждаушы болып жұмыс істедім. Кейін жұмысты қойып, жылқы шаруашылығын қолға алдым. Түбегейлі көңіл бөлгенімнің нәтижесінде бір үйірді екі үйірге жеткіздім. Қазір үш сауын биені қолда ұстап отырмыз. Жылқыға қандай азық беру керегі туралы дұрыс білмей тұрып ат баптау, мал басын көбейту мүмкін емес. Бір қарағанда шөп берумен жұмыс біткен сияқты көрінуі мүмкін. Тоя жесін деп алдына үйіп-төкпей, оларға қажетті азықты өлшеп, есептеп беру керек. Жылқы үшін ең табиғи азық – шөп пен пішен. Жаңа орылған шөп болса тіпті нәрлене түседі. Жануар баптауыңа қарай сүт береді, - деді Талап Қажимов.  

Саумал мен қымыз сатуды отбасы 2017 жылы бастаған. Қ.Қалыбеков атындағы Сарытоғай орта мектебінде биология пәнінен сабақ беретін Зәмзәгүл Жаңабаева алғашында саумал сату туралы мүлде ойламағанын айтады.  

- Енемнің ішкі құрылысы ауырып бастаған соң сол кісінің денсаулығы үшін бие сауып бастадым. Күнделікті үзбей ішкеннен кейін денсаулығы жақсарды. Бұл туралы көрші-қолаң, таныстарымыз білген соң саумалға тапсырыс көбейді. Содан бері бес жыл бойына үзбей сауып келемін, жүздеген тұрақты клиент жинадық. Негізінен мамыр айынан бастап, қазанға дейін сауамын. Бір бие күніне 6-7 сауылады. Бір сауғанда 1 литр сүт береді.  Саумалды әр адам диагнозы мен тәбетіне қарай әртүрлі мөлшерде ішеді. Қазір сұраныстың көбі қаладан болып тұр, - деді Зәмзагүл Жаңабаева.
Отбасы болашақта үлкен бизнес ашуды қолға алмақ.

Дайындаған Ләззат ҚАРАЖАНОВА

Махамбет ауданы әкімдігінің баспасөз қызметі жолдаған сурет

4 қазан 2022, 15:31

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.