Интернеттің істен шығуына байланысты рейстер кешіктірілді

Air Astanа интернет-байланыс істен шыққандықтан рейстің кешіккені туралы хабарлады.                                                   

"Air Astana бүгін сағат 04.00 шамасында Алматы әуежайында және ішінара Атырау әуежайында  провайдерде интернет-байланыстың істен шыққанын хабарлайды.

Осыған байланысты жолаушыларды рейстерге тіркеу қолмен жүргізілді, бұл Алматыдан келетін таңғы рейстердің орташа есеппен 1,5 сағатқа кешігуіне әкелді.

Интернет байланысы 08.40-та қайта іске қосылды. Қазіргі уақытта әуекомпаниясы біртіндеп ұшу кестесін қалпына келтіріп жатыр", - делінген хабарламада.