Тұщықұдықтағы жаңа спорт кешені желтоқсанда пайдалануға беріледі

Бұл туралы Исатай аудандық құрылыс бөлімінің басшысы Жұмажан СЫДИХОВ мәлім етті, деп хабарлайды Атырау облысы Өңірлік коммуникациялар қызметі. 

Мердігер мекеме - «АС Құрылыс» ЖШС. Жұмыстар осы жылдың маусым айында басталды, нысанды желтоқсан айында пайдалануға беру жоспарланған. Қазіргі уақытта спорт кешенінің 60 пайыз жұмысы аяқталды.

- Спорт кешенінде үлкен ойын алаңы, жаттығу залы, жаттықтырушылар мен медицина қызметкерлерінің бөлмелері бар. Сондай-ақ, кіші футбол алаңы салынады, - деді Ж.Сыдихов.  

Дайындаған Ләззат ҚАРАЖАНОВА

ӨКҚ ұсынған сурет