
11 қыркүйек сағат 19:30 шамасында Атырау қаласы Балауса ықшамауданында жедел-жәрдем көлігінің қатысуымен жол-көлік апаты орын алды. Полиция департаменті хабарлағандай, «жедел жәрдем» екінші дәрежелі жолдан шығып, басты жолмен келе жатқан Toyota Land Cruiser көлігіне соқтығысқан.

Соққы екпінімен жедел жәрдем көлігі жеке тұрғын үйдің металл қоршауына соғылған. Салдарынан жедел жәрдем көлігінің екі жолаушысы және Toyota жүргізушісі жарақат алып, ауруханаға жеткізілді.

- Қазіргі уақытта тиісті іс-құжаттар жинақталуда, - деп хабарлайды ПД.
Дайындаған Айнұр САПАРОВА
ПД ұсынған суреттер
В Атырау +4