![](https://f.azh.kz/news-kaz/059/120/91536749-3c92-4489-9983-455605c3a4a2.jpeg)
Атырау полицейлері психотроптық есірткіні заңсыз тасымалдаған екі күдіктіні ұстады. Олардың бірі ҚР Қылмыстық кодексінің 191-бабы («Тонау») бойынша республикалық іздеуде болған.
Ол еліміздің басқа өңірінде қарақшылық жасап, сол жерде оған іздеу жарияланған. Ұсталған екінші азамат - Атырау қаласының тұрғыны. Полицейлер Молдағалиев көшесінде Nissan автокөлігін тоқтатып, салонын тексеру кезінде 52 трамадол капсуласы мен 67 құты тропикамид тапты.
- Бұл препараттар тек дәрігердің рецепті бойынша берілуі тиіс. Тексеру амалдары жүріп жатыр, - деп хабарлады полиция.
Айнұр САПАРОВА