Мемлекеттік еңбек инспекциясының Атырау облысы бойынша басқармасының қызметкерлері жыл басынан бері 399 азаматтың еңбек құқығын қорғап, 22,7 млн теңге айыппұл өндірді. Сондай-ақ, 17 мекемеден жалпы сомасы 37,2 млн теңгеге 181 қызметкердің кешіктірілген еңбекақысы толығымен өндірілді. Бұл туралы Өңірлік коммуникациялар қызметі еңбек инспекциясы басқармасының ақпараттық-талдау бөлімінің басшысы Самал ҮБІҒАЛИЕВАҒА сілтеме жасап хабарлады.
Азаматтардың 1002 өтініші тіркелді. Қарау барысында оның 907-сі бойынша 146 кәсіпорын мен мекеме тексерілді. Нәтижесінде еңбек заңнамасын бұзудың 224 фактісі анықталып, заң бұзушылықтарды жою туралы 96 ұйғарым шығарылды.
Дайындаған Айнұр САПАРОВА