Антикор Атырау-Астрахань жолына тексеру жүргізеді

Атырау облысының Сыбайлас жемқорлыққа қарсы қызметі сыбайлас жемқорлық тәуекелдері картасын іске асыру аясындағы проблемалық мәселелерді талқылады.

Кездесу барысында автомобиль жолдарын салу және қайта жаңарту барысы, объектілерді пайдалануға қабылдау кезінде сыбайлас жемқорлыққа ықпал ететін тәуекелдер мәселелері көтерілді.

Атырау филиалының сарапшысы Арман Әбсеметов жылдан жылға құқық бұзушылықтар қайталанатынын және қабылданған шаралар жеткіліксіз болып қалатынын атап өтті.

"Индер ауданына жұмыс сапары аясында біз жолдарды салу және қайта жаңарту саласындағы ауданның проблемалық мәселелерін талқылау мақсатында халықпен кездестік. Индер ауданының белсенді азаматтары, мәслихат депутаттары жүк тасымалдаушылардың шамадан тыс жүктемелеріне байланысты жол сапасының нашарлауына өз наразылықтарын білдірді.  Бұл ретте сұрақ туындайды: 5-6 адамның қалтасы маңызды ма, әлде 30 мыңнан астам халқы бар аудан халқының мүдделері маңызды ма?Әрине, тасымалдаушыға заңнамада белгіленген талаптар аясында жүк тасымалдау тиімсіз. Енді, егер сіз тасымалдаушының жолына аз табыс пен шығындарды ескеретін болсаңыз, онда олар математикалық, логикалық немесе моральдық тұрғыдан салыстыруға келмейді".

Арман Әбсеметов мысал ретінде Атырау қаласынан 10 км жердегі мемлекетке 4 876 438 927.36 теңге, яғни әрбір километрге 487 млн.теңге болатын Атырау-Индер автожолын қайта жаңартуды келтірді.

Көлік бақылау инспекциясы басшысының м.а. Аманжол Қабдешов автомобиль жолдарының, жол құрылыстарының және олар бойынша қозғалыс қауіпсіздігінің сақталуын бақылаудың жай-күйі туралы сөз сөйледі.

"2022 жылдың жеті айында барлығы 120-ға жуық өздігінен аударылатын автокөлік құралдары тексеріліп, нәтижесінде 76 әкімшілік іс қозғалып, 17 752 458 теңге айыппұл өндірілді. Сонымен қатар, 5 287 124 теңге сомасына ұсақ бұзушылықтармен 100-ден астам құқық бұзушылық анықталды".

Кездесу соңында превенция басқармасы басшысының м. а. Гибат Кукатов Антикор республикалық және облыстық маңызы бар жолдарға, оның ішінде Атырау-Астрахань жолдарына прокуратура, МСҚБ, МКД және ІМАД өкілдерімен бірлесіп кешенді тексеру жүргізуді жоспарлағанын, онда біздің ойымызша, сыбайлас жемқорлықтың алғышарттары бар және бюджеттік қаражатты ұрлау фактілерінің алдын алу бойынша жұмыс жүргізілетін болатынын хабарлады.