Оралдағы матч: екі гол соқты, бірақ ұтылып қалды

Футболдан ел чемпионатының кезекті турында «Атырау» ФК сырт алаңда оралдық «Ақжайықпен» кездесті. Матчта гол көп соғылды.

Алаң иелері 8-минутта бірінші болып гол соқты. Дегенмен гол күлкілі көрінді: айып алаңына доп теппек болғаннан кейін қақпашы мен атыраулық қорғаушы бір-бірімен соқтығысып қалып, жүгіріп келген Артур ГАЗДАНОВҚА қақпаға доп соғуға тура келді. 21-минутта шабуылшы Том ТАБАТАДЗЕ айып алаңына тамаша өткеннен кейін «Ақжайық» есепті 2:0-ге жеткізді.

Айта кету керек, «мұнайшылар» қол қусырып тұрмады. 34-минутта айып соққысынан кейін «Атырау» шабуылшысы Петр ГЖЕЛЧАК баспен допты қақпаға соқты – есеп 2:1. Бірінші таймға қосылған «Атыраудың» айып добында доп мейман ойыншысының қолына тиді. Төреші алдымен ойынды жалғастыруды көрсетті, бірақ алаң шетіндегі монитордан қайталанған эпизодты көріп, шешімін өзгертіп, пенальти белгіледі. Оны Табатадзе айқын жүзеге асырды – есеп 3:1.

Екінші тайм «Атырау» шабуылдарымен басталды: 68-минутта алаң иелерінің қорғаушысы Сергей ШУСТИКОВ бос қақпадан допты қағып түсірмек болып, онысы өте қолайсыз болып, нәтижесі автогол 3:2 болды, сөйтіп қайта үміт оянды... 78-минутта бұл үмітті «Ақжайық» шабуылшысы Оралхан ӨМІРТАЕВ өшірді. Меймандардың айып алаңына тамаша доп бергеннен кейін ол қақпашымен бірге-бір қалып, қақпаның оң жақ бұрышына допты дәл салды. Матч 4:2 есебімен «Ақжайықтың» пайдасына шешілді.

17-турдан кейін 22 ұпаймен «Атырау» турнирлік кестеде 9-орынға жайғасты. Келесі ойын 4 қыркүйекте өз алаңында «Каспий» (Ақтау) командасымен өтеді.

Айнұр САПАРОВА