Заң бұзған​ тәжікстандық таксист ұсталды

Атырауда жүргізуші куәлігінен айырылған Тәжікстан азаматы қайтадан рөлге отырып, жауапқа тартылды.

22 тамызда «Мигрант» жедел-алдын алу шарасы кезінде патрульдік полиция қызметкерлері Бейбарыс даңғылында Volkswagen Passat көлігін тоқтатқан. Жүргізушінің - 28 жастағы Тәжікстан азаматының такси жүргізушісі болып жұмыс істейтіні, мобильді қосымша арқылы клиенттерді табатыны анықталды. Ол бұған дейін жүргізуші куәлігінен айырылған.

ҚР ӘҚБтК-нің 612-бабының 3-бөлігі («Көлік құралын құқығынан айырылған жүргізушінің басқаруы») бойынша хаттама толтырылып, сотқа жолданды, көлік арнайы тұраққа қойылды.

Зульфия ИСКАЛИЕВА