Пәкістанға абайсызда зымыран ұшырған Үндістанның үш офицері жұмыстан қуылды

Үндістанның қорғаныс министрлігі абайсызда Пәкістанға BrahMos зымыранын ұшырып жібергені үшін үш офицерді жұмыстан қуды, - деп хабарлайды Tengrinews.kz тілшісі.

Тергеу стандартты операциялық процедуралардан ауытқу кезінде мамандар кездейсоқ зымыранды ұшырып жібергенін анықтады.

Оқиға үшін бірінші кезекте үш офицер жауапқа тартылып, бүгін жұмыстан босатылды.

Еске салайық, BrahMos зымыраны 9 наурызда Үндістан әуебазаларының бірінен кездейсоқ ұшырылып, Пәкістанға қонды. Осыдан кейін Пәкістан үкіметі наразылық білдірген еді. Ал Үндістан тарапы тергеу жүргізетіндерін мәлімдеген.