21 тамыз күні таңғы бес жарым шамасында Вокзал маңы ықшам ауданында орналасқан көп қабатты үйлердің бірінің ауласында белгісіз ер адам дәрет сындырып, әрі қарай "Ваз 2114" автокөлігіне мініп, кетіп қалады. Атырау ҚПБ жедел басқару орталығының бейнебақылау қызметкерлері сол адамға жақын маңдағы "Батыс" экипажын бағыттайды.
Ұстау кезінде ер адамның Өзбекстан азаматы екендігі, оның көлік басқару куәлігі, тіпті жеке бас куәлігі жоқ екені және масаң күйде екендігі анықталды. Жағдайдың мән-жайы анықталғанша, ол Атырау ҚПБ қабылдау-тарату орнына орналастырылды.
Ләззат ҚАРАЖАНОВА