19 тамызда Жамбыл облысында әскери борышын өтеп жүрген атыраулық сарбаз өз-өзіне қол жұмсап қайтыс болды. Ол Қызылқоға ауданы Миялы ауылының тумасы.
Бұл туралы қоғам белсендісі Бибігүл Рамазан фейсбук парақшасында жариялады. 18-жастағы Бекбол Мираш биыл көктемде әскерге шақырылды, ол Жамбыл облысына тап болды. Енді ол асылып қалды.
Марқұмның жақын таныстары, оның өз-өзіне қол жұмсауы мүмкін еместігін айтады.
- Ата-анасы үміт артып жүрген отбасындағы ұлдың үлкені еді. Өзінің алдында әпкесі мен артында інісі бар. Адамдардың іш бауырына кіріп жүретін ақкөңіл бала еді, ешқашан мұңайып, өзімен өзі түңіліп жүрген кезін көрмедік, - дейді мұғалімі Айдана.
Нұрбейбіт НҰҒЫМАНОВ
Сурет фейсбук желісінен алынды