«АЖ»-ға белгілі болғандай, 17 тамызда Исатай ауданында Атырау облысы бойынша ҰҚК шекара қызметінің сарбазы қайтыс болды. Ол Каспий теңізінің жағасындағы "Жанбай" заставасында әскери борышын өтеп жүрді. Сол күні әріптестерімен бірге мемлекеттік шекараны күзету үшін кезекті тапсырма орындауға кетеді. Бірақ қызметтік көлік істен шығып, аптап ыстыққа тап болды. Сол сарбаздың денсаулығына әсер етті ме, сол жерде ажал құшты.
Ол әскерге Ақтаудан шақырылған, биыл күзде үйіне қайту керек еді. Оқиғаны арнайы комиссия тексеріп жатыр. Сарбаздың денесі сот-медициналық сараптамадан өткізу үшін мәйітханаға жеткізілді. Ата-анасы Атырауға келді.
Айнұр САПАРОВА