16 тамызда Атырауда «Asarume» қорының қайырымдылық акциясы аясында «Asarjoly» қайырымдылық форумы өтуде.
Форум театрландырылған қойылыммен басталды. Ал басты шара бүгін сағат 19.00-де М.Өтемісов атындағы облыстық драма театрында басталатын тегін қайырымдылық концерті болмақ.
«Асаруме» қайырымдылық қорының қызметкерлері 30 күнде 4000 шақырым жол жүріп өтті. Солардың арқасында қомақты қаржы жиналып, Нұр-Сұлтан, Қарағанды, Көкшетау, Петропавл, Қостанай, Ақтөбе және Орал қалаларында 13 отбасына үй берілді. Ал 7 отбасына коммерциялық жобаларын жүзеге асыруға көмек көрсетілді.
Форум барысында жоба авторлары өз жазылушыларымен кездесу ұйымдастырды. Форумды өткізуге еріктілер, спортшылар, мемлекеттік қызметкерлер, бизнесмендер көмектесіп жатыр.
Айнұр САПАРОВА