«Киік»​ іс-шарасы басталды

Киіктерді заңсыз аулау фактілерін анықтау, алдын алу және жолын кесу мақсатында 8-18 тамыз аралығында Атырау облысының аумағында "Киік" республикалық жедел алдын алу іс-шарасы өтеді.

Шара барысында табиғат қорғау полициясының қызметкерлері мүдделі табиғат қорғау қызметтерімен бірлесіп, киіктердің мекендеу ареалдарында облыс аумағы бойынша рейдтік іс-шаралар ұйымдастырады.

Айта кетейік, киіктерді заңсыз аулағаны, олжалағаны, сақтағаны, өткізгені, тасымалдағаны үшін ҚР ҚК 339-бабы ("Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу") бойынша қылмыстық жауапкершілік көзделген.

Атырау облыстық полиция департаменті