Белгілі болғандай, 27 шілде күні Атырау қаласының ауылдық округтерінде қатты жел соғып, нөсерлете жауған жауын-шашын салдарынан С.Датов атындағы №26 мектептің (Ақжар ауылы) ғана емес, қала маңындағы Тайғайраң ауылы мектебінің де шатыры ұшып кеткен.
ТЖД құтқарушылары авариялық-құтқару жұмыстарын жүргізді, шатырдың құлайын деп тұрған бөлігін бекітті. Ұшқан бөліктерін жинады. Зардап шеккендер жоқ.
Сондай-ақ, қала ішіндегі (М. Бекмағамбетов, М. Мусин, Аманғалиев, Қоскелдиев, Тоқсанбаев, Ж. Досқалиев көшелерінің бойындағы) 7 тұрғын үйдің шатыры ұшқаны анықталды. Барлық жағдайда зардап шеккендер жоқ, деп хабарлады Атырау облысы ТЖД қоғаммен байланыс тобы.
Дайындаған Ләззат ҚАРАЖАНОВА
ТЖД жолдаған суреттер