Атырау облысы әкімінің екі орынбасары «штаттың қысқаруына байланысты» қызметінен босатылды

Бүгін, 21 шілдеде Атырау облысы әкімінің орынбасарлары Серік АЙДАРБЕКОВ пен Нариман ТАУШОВ жұмыстан босатылды.

С.Айдарбеков Нұрлан Таубаевты алмастырып, оның ісін тергеу сатысында облыс әкімінің бірінші орынбасары қызметін атқарды.

Еске салсақ, былтыр көктемде Айдарбеков сот облыстық жұмыспен қамтуды үйлестіру және әлеуметтік бағдарламалар басқармасының басшысы Серік Қамидолланы қызметтік өкілеттігін асыра пайдалануда кінәлі деп таныған соң қызметінен кету туралы арыз жазған болатын. Бірақ сол кездегі облыс әкімі Махамбет Досмұхамбетов арызын қабылдамай, қатаң сөгіспен шектелді.

Ал былтыр наурыз айында Нариман Таушов қаржы саласын басқарған тәжірибелі Айгүл Әжіғалиеваны алмастырды. Әрі қарай, «АЖ» мәліметінше, онымен өзекті мәселелер бойынша жиі кеңесетін.

Ең бастысы, екі орынбасар да «жағымсыз себептермен» емес, штаттың қысқаруына байланысты қызметінен айырылды.

- Облыстар мен республикалық маңызы бар қала әкімдері аппараттарында мемлекеттік қызметшілерді оңтайландыру туралы Мемлекет басшысының 2022 жылының 16-наурызындағы Жолдауында айтылған тапсырманы орындау мақсатында Атырау облысы әкімі орынбасарларының шекті саны 2 адамға қысқартылды, - деп хабарлайды Атырау облысы әкімінің баспасөз қызметі. – Бұл жағдай дәл осыған байланысты.

Фархат АБИЛОВ