Атырау, 5 қазан 16:21
 ашықВ Атырау +16
$ 481.84
€ 531.33
₽ 5.07

Швейцария Украинаның жаралы жауынгерлерін емдеуден бас тартты

1 081 просмотра

Бейтарап статусы бар Швейцария Украинаның жаралы жауынгерлерін емдемейді. Бұл жөнінде Азаттық радиосы AFP Tages Anzeiger басылымы мен Швейцария сыртқы істер министрлігіне сілтеме жасап хабарлады.

Швейцарияға Украинаның жаралы жауынгерлерін емдеуге көмектесу жөніндегі ұсынысты НАТО жанындағы Еуроатлантикалық үйлестіру орталығы айтқан. Бұл ұйым Украина жауынгерлерінің халықаралық эвакуациясын үйлестіреді. Швейцарияның кейбір кантондары жаралы жауынгерлерді қабылдауға дайын екенін білдірген, бірақ Швейцария үкіметі оларға да тыйым салған.

Бұл шешімді қабылдағанда Швейцария Женева және Гаага конвенциясына сүйенген. Бұл конвенциялар бойынша, емделіп шыққан жауынгер қайтадан соғысқа кірмеуге тиіс. Оны орындау үшін Швейцария жаралы жауынгерлерді соғыс аяқталғанша қайтармай, жүріс-тұрыстарын шектеуге мәжбүр болады. Бұған Швейцария кепілдік бере алмайды.

Швейцария үкіметі бейбіт адамдарды емдеуден де бас тартты. "Өйткені кімнің бейбіт адам, кімнің жауынгер екенін ажырату мүмкін емес, көптеген бейбіт адам өз еріктерімен қолына қару алып, елін қорғап жүр" деп жазады Tages Anzeiger.

Швейцария Украинаға гуманитарлық көмек жібереді, оның ішінде медициналық көмек те бар.

19 шілде 2022, 15:06

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.