Атырау, 28 наурыз 19:33
 ашықВ Атырау 0
$ 449.58
€ 486.94
₽ 4.86

Төзімді 55 аялдама орнатылады

1 073 просмотра

Атырау қаласы мен қала аумағындағы округтерге жаңа маршруттардың шығуына байланысты және осы кезге дейін аялдамасыз тұрған жерлерге биыл жаңадан 55 аялдама орнатылады. Бұл туралы қала әкімі Мейірім ҚАЛАУИ мәлімдеді.

- Көптеген округтерде аялдама жоқ, тұрғындар қоғамдық көліктерді өздеріне қолайлы жерден тоқтатып алады. Аталған мәселелерді ескере отырып, қазіргі кезде әрқайсының құны 1 млн теңге болатын 55 аялдама сатып алуға конкурс жарияладық. Тұрғындарға қолайлы болу үшін әр аялдаманың ара қашықтығы 800 метрден аспауы керек, - деді қала әкімі.

Қала әкімінің айтуынша, кейбір жерлерде аялдамалардың орындары өзгереді. Өйткені бұрын тар көшеде қалып қойған аялдама автобустардың бұрылуына кедергі келтіреді және жаңа аялдамаларды қою үшін орын таршылық етеді.

Әкімдіктегілер аялдаманың ашық және шамалыға бұзылмайтын төзімді темірден жасалатынын жеткізді. Бұл нұсқа бұған дейін тұрғындармен кездесу кезінде талқыланып, таңдалған.

Еске салсақ, бұған дейін қала орталықтарына қойылған әрқайсысы 12 млн теңге тұратын жабық павильондардың жаз келгенде салқындатқыштары жұмыс істемей, жолаушылар қызығын көре алмай жүргенін жазған едік. Кейбір аялдамалардың салқындатқышы әлі жөнделген жоқ.

Нұрбейбіт НҰҒЫМАНОВ

19 шілде 2022, 14:21

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.