«Лада Гранта» пойызбен соқтығысты

Бүгін, 13 шілдеде Мақат поселкесінен 20 км қашықтықта "Lada Granta" көлігі қозғалыс ережесін бұзып, темір жол өткелінен өтпек болған кезде жүк пойызымен соқтығысты. Салдарынан 44 жастағы Lada Granta жолаушысы оқиға орнында көз жұмып, 23 жастағы жүргізуші ауыр жарақат алып, ауруханаға жеткізілді.

ТЖД қызметкерлері арнайы «Холматро» құралы арқылы көліктен қаза болған жолаушының денесін шығарды. Полиция тергеу амалдарын бастады.

Ләззат ҚАРАЖАНОВА

ПД жолдаған суреттер, әлеуметтік желіден алынған бейнежазба