​Ковидтен оңалту үшін – Қостанайға

Өткен жылы Covid-19 дертінен айыққан «АЖ» оқырмандарының бірі: «Қазақстан шипажайларына оңалту үшін жолдамалар берілетіні рас па?» деген сауал жолдады.

Облыстық денсаулық сақтау басқармасы бізге COVID-19 дертінен сауығып шыққандар емханалардың емдеуге жатқызу бюросының порталы арқылы 3-кезеңді оңалту емін алу үшін Қостанайдағы оңалту орталығына расталған медициналық құжаттармен – тәулік бойы жұмыс істейтін Covid-стационардан алынған үзінді көшірмемен жолданатынын хабарлады.

Тұрғылықты жердегі емханаға жүгіну керек. Тегін оңалту курсы - 14 күн. Жол шығынын пациенттің өзі көтереді.

Алма ҚАЛУСАРИЕВА