Жилгородок көпірінің жолы толықтай жаңартылады

Жақында Жилгородок көпірі жөндеуден өтіп, ол жердегі шұңқырлар «жамалған» еді. Ал атыраулық көлік жүргізушілер көпірге толыққанды қалпына келтіру жұмыстарын жүргізу керек деп есептейді.

- Көпірді жөндеуге жапқанда толықтай жөнделеді деп үміттенгенбіз. Бірақ қазіргі күйі жөнделгенге ұқсамайды. Әр жерден бір жамап, салдарынан қазір көпірдің жолы толқынданып жатыр. Енді осылай қала ма?- дейді жүргізуші Бауыржан.

Атырау қалалық ТКШ, жолаушылар тасымалы және көлік жолдары бөлімінің бас маманы Ержан ҚАЙНОЛЛАЕВ:

- Тұрғындардың аса қажеттік тудыруына байланысты уақытша ойық-шұңқыр жерлері жөнделді. Қазіргі кезде жобалық сметасы жасақталуда. Жөндеу жұмыстарын биыл бастау жоспарланып отыр.

Нұрбейбіт НҰҒЫМАНОВ

Суретті түсірген автор