В Атырау
+10 
Су айдындарында жүргізілген рейдтік іс-шаралар барысында облыстың инспекция қызметкерлері шағын көлемді кемелерді пайдалану қағидаларын бұзудың 17 фактісін анықтаған. Олардан жалпы сомасы 245 мың 40 теңгеге әкімшілік айыппұл өндірілген.
Облыстық көліктік бақылау инспекциясының бас маманы Жомарт ҚҰСПАНОВТЫҢ айтуынша, акцияның мақсаты - жүзу маусымы кезінде шағын көлемді кемелердің (гидроциклдердің, моторлы қайықтардың) қауіпсіздігін қамтамасыз ету. Оның айтуынша, негізінен заң бұзушылар көбінесе су көлігін куәліксіз және бортты нөмірсіз, су көлігіне тиісті құжаттарсыз, құтқару кеудешесінсіз жүргізген.
Ж.Құспанов атап өткендей, жыл сайын барлық кемелер кеме билеттерінде тиісті белгілері бар техникалық куәландырудан өтуі тиіс. Рейд «Скутер» акциясы аясында қалалық кірістер басқармасында тіркелмеген салық төлеушілерді анықтау бөлімінің мобильді тобымен бірлесіп жүргізілуде.
Айнұр САПАРОВА
ӨКҚ ұсынған суреттер