Атырау облысында жыл басынан бері 155 жол-көлік оқиғасы тіркеліп, 40 адам қаза тауып, 189 адам әр түрлі дене жарақатын алған. Облыс орталығында - тиісінше 126, 21 және 169 адам. Бұл туралы Өңірлік коммуникациялар қызметі жергілікті полиция қызметі басқармасының бастығы Ерлан БИҒАМБАЕВҚА сілтеме жасап хабарлады.
- Жол-көлік оқиғасын алдын алу мақсатында қала сыртындағы тас жолдарда 17 «Кордон» стационарлы жылдамдық өлшегіш құрылғысын орнату жұмыстары жүргізілуде. Қазіргі уақытта Ақтөбе-Атырау-Астрахань тас жолының 579 шақырым, Атырау-Орал тас жолының 11 шақырым және Атырау-Индер тас жолының 17 шақырым тұстарына «Кордон» жылдамдық өлшегіш құралдары орнатылды. 6 дана «Кордон М2» жылдамдық өлшегіш құрылғысы Атырау маңында орнатылған. Жыл басынан бері «Қауіпсіз жол», «Қауіпсіз жүргізуші», «Балалардың жолдағы қауіпсіздігі» және «Автобус» атты жедел профилактикалық іс-шаралар өткізілді.
Дайындаған Ләззат ҚАРАЖАНОВА
ПД ұсынған сурет