Мың жарым адам көші-қон заңнамасын бұзған

27 маусым мен 4 шілде аралығында Атырау облысында «Нелегал-2022» іс-шарасы өткізілді. Нәтижесінде 1486 адам әкімшілік жауапкершілікке тартылды.

ПД баспасөз қызметі хабарлағандай, оның ішінде 900 шетел азаматы ҚР халықтың көші-қоны саласындағы заңнамасын бұзғаны үшін жауапқа тартылса, 25-і сот шешімімен елден шығарылды. Ал ҚР заңнамасын бұза отырып, еңбек иммигранттарын тартқаны үшін 586 ҚР азаматы әкімшілік жазаға тартылды.

Сондай-ақ, Өзбекстан Республикасының 117 азаматы құрылыс нысандарында заңсыз жұмыс істегені анықталды. Қазіргі уақытта олар қабылдау-тарату орнына орналастырылған.

Дайындаған Айнұр САПАРОВА