Атырау, 13 тамыз 23:00
 ашықВ Атырау +34
$ 476.01
€ 490.15
₽ 7.81

Атырауда шегірткеге қарсы химиялық өңдеу жұмыстары жүргізілді

Сурет
865 просмотра

Бұл туралы Атырау облыстық инспекциясының өсімдіктерді қорғау жөніндегі мемлекеттік инспекция бөлімінің басшысы Абила КАЗИЕВА мәлім етті, деп хабарлайды Атырау облысы Өңірлік коммуникациялар қызметі.

31 900 гектар жерде химиялық өңдеу жұмыстары жүргізілді. Оның 3 800 гектары итальян прусына қарсы Вантекс пестицидімен және 28 100 гектары азиат шегірткесіне қарсы Локустин, Тарзан пестицидтерімен жүзеге асырылған.

Шегіртке зиянкестерінің ошағын анықтау үшін 16 дана GPS навигатор,  планшеттерді пайдалана отырып, штаттық бірліктегі 16 автокөлік пен 40 сала маманы тартылды.

- Қызмет көрсетуші мердігер компаниялар «АвиаСила» ЖШС-нің 2 дана дельталеттерімен әуе арқылы және Батыс Қазақстан облысының «Магтоксин» ЖШС-нің 1 дана атомайзерлі бүріккіш аппаратурасымен жерүсті тәсілі арқылы жұмыс атқарды. Пестицидтердің биологиялық тиімділігі 96-97 пайызды құрады. Жергілікті шаруагерлер мен жер иелері биыл жасалған жұмысқа дән ризашылығын білдіріп жатыр, - деді А.Казиева.

Сонымен қатар, биыл қалыптасқан ауа-райына байланысты өңірде басқа да зиянкестердің белсенділігі артты. Қызылқоға ауданында жусан күйесі, барлық аудандар мен қала маңында шалғын мен ошаған көбелектерінің таралуы орын алды.

10 маусым күні Ауыл шаруашылығы министрінің 2015 жылғы 30 наурыздағы № 282 бұйрығына өзгеріс енгізіліп, шалғын көбелегі аса қауіпті зиянды организмдер тізіміне енгізілді. Ендігі жерде оларға қарсы фитосанитариялық іс-шараға қаражат көзі жергілікті бюджет есебінен жүзеге асырылатын болады.

Дайындаған Ләззат ҚАРАЖАНОВА

Суреттерді ӨКҚ ұсынды

6 шілде, 12:17

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.