В Атырау -10 
Қызылқоға ауданы Сағыз ауылы маңындағы «Тасқара» қорғанына жүргізілген археологиялық қазба жұмыстары кезінде 6-9 ғасырдың көне түркі ғұрыпынан сыр шертетін адам мүсіні бейнеленген балбал тас табылды. Биіктігі 1 метр 20 см, ал, ені 50 см болатын олжа Оғыз-Қыпшақ дәуірінен қалған деп болжанып отыр.
Археологиялық экспедицияның жетекшісі, тарих магистрі Сейілхан МИРАШТЫҢ айтуынша, балбал тас Атырау өңірінен алғаш рет табылып тұр.
- Балбал таспен қоса табынуға арналған құралдар табылды. Мұндай балбал тастар IX ғасырдан бастап ислам діні тарауына байланысты даламыздан жойыла бастады. Өйткені ислам дінінде адам бейнесін салуға рұқсат етілмейді, - дейді С.Мираш.
Қазіргі кезде мәдени экспонат зерттелу үшін ғылыми зерттеу орталығына әкелінген. Зерттеліп болған соң жәдігер ретінде облыстық тарихи өлкетану музейіне қойылады.
Нұрбейбіт НҰҒЫМАНОВ
Археологиялық экспедиция жолдаған сурет