Атырауда қос моторлы «Байда» қайығын тастап қашқан үш браконьер іздестіріліп жатыр. Бұл 25 маусым күні түнгі сағат 3-те Дамбы ауылында болған. Рейд барысында балыққорғау инспекторлары қайықты тапқан. Бірақ браконьерлердің өзі қараңғылықты пайдаланып, ғайып болған.
Балық қорғау бөлімінің бас маманы Темірхан ОҢАЙБАЕВТЫҢ айтуынша, қайықтан ау құралдары мен 534 келі бекіре балығы табылды. ҚР ҚК 339-бабының 2-бөлігі 5-тармағы («Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу») бойынша іс қозғалды. Енді заңсыз балық аулаушыларды ұстау ғана қалды.
Айнұр САПАРОВА