Атырауға 536 тонна азық-түлік тауарлары жеткізілмек

Бұл туралы «Атырау» әлеуметтік-кәсіпкерлік корпорациясы» АҚ баспасөз хатшысы Гүлназ КӘРІМЖАН мәлім етті, деп хабарлайды ӨКҚ.

Оның айтуынша, бүгінде Атыраудағы «Агрофлекс» қоймасында 690,6 тонна көлемінде әлеуметтік маңызы бар азық-түлік қоры бар. Тағы 536 тоннасы шілде айының басына дейін жеткізілмек. 

Қырыққабат бағасын тұрақтандыру үшін Түркістан облысындағы шаруа қожалығымен 40 тонна көлемінде келісім жасалған. Бұдан басқа «Идеал Маркет» ЖШС «Азық-түлік корпорациясы» АҚ-нан 408 тонна қант сатып алды. Қазіргі таңда нарықтағы қант бағасы 517 тг. 

Әлеуметтік маңызы бар азық-түлік тауарларының бағасын ұстау мақсатында «Атырау» әлеуметтік-кәсіпкерлік корпорациясы» АҚ револьверлік схема шеңберінде жергілікті сауда желілері мен көкөніс өндірушілеріне айналым қаражатын толықтыруға несие берді, - деді Г.Кәрімжан.  Оның айтуынша, айналым схемасы бойынша жергілікті ауыл шаруашылығы өнімдері, яғни пияз, сәбіз, қырыққабат қыркүйек айынан бастап, ал картоп шілде айынан бастап саттыққа шығарылады.

Дайындаған Айнұр САПАРОВА