Жұмабек Қаражанов Жылыой ауданының әкімі болып тағайындалды

2 156 просмотра

Бүгін, 22 маусым күні Атырау облысының әкімі Серік Шәпкенов Жылыой мәслихатының депутаттарына ҚР Президенті Әкімшілігімен келісілген аудан әкімі лауазымына Жұмабек Қаражановтың кандидатурасын ұсынды.

Жұмабек Қаражанов Қазақстан-Британ техникалық университетін, Қазақстан Республикасы Президентінің жанындағы Мемлекеттік басқару академиясын «Экономика және бизнес» мамандығы бойынша бітірген. Экономика және бизнес магистрі дәрежесі және мемлекеттік аудитор сертификаты бар.

2011-2012 жылдары «Жасұлан және Компания» ЖШС-де экономист болып жұмыс істеді. 2012-2014 жылдары «Атырау облысы бойынша тексеру комиссиясы» ММ әр түрлі лауазымдарында жұмыс істеді. 2014-2017 жылдары «Атырау облысы бойынша тексеру комиссиясы» ММ мемлекет бюджеттері мен активтерін бақылау № 3 бөлімінің басшысы болып жұмыс істеді. 2017-2018 жылдары «Атырау облысы бойынша тексеру комиссиясы» ММ сапаны бақылау, ішкі аудит, ұйымдастыру-құқықтық қамтамасыз ету және персоналды басқару қызметі бөлімінің басшысы. 2018-2019 жылдары «Атырау облысы бойынша тексеру комиссиясы» ММ аппаратының басшысы.

2019-2022 жылдары Атырау қаласы әкімінің орынбасары қызметін атқарды, Мейірім Қалауи тағайындалғанша ай жарым уақыт қала әкімінің міндетін атқарды.

Зульфия ИСКАЛИЕВА

22 маусым 2022, 10:25

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.