В Атырау
+18 
Бір жыл бұрын «АЖ» басылымы Атырауда ескі қала аумағында Достық үйінің құрылысы жоспарланғанын хабарлаған болатын. Біз облыс әкімдігінің баспасөз қызметінен осы нысан туралы, яғни оған бюджеттен қанша қаражат бөлінді, құрылысты кім жүргізетіні туралы мәлімет сұраған едік.
- Құрылысқа қаражат әлі бөлінген жоқ, мердігер компания да анықталған жоқ. Себебі қазір Бейбітшілік және келісім сарайының жобалық-сметалық құжаттары әзірленуде, оны келесі жылдың наурыз айына дейін аяқтау жоспарланып отыр, - деп жауап берді облыс әкімдігі.
Құрылысқа Пушкин, Молдағұлова және Гагарин көшелерінің қиылысынан 1,7 гектар жер телімі бөлінді.
Еске сала кетсек, Құлманов көшесіндегі Достық үйінің қазіргі ғимараты 2014 жылы ашылған.
Жаңа Достық үйін салу идеясын 2016 жылы сол кездегі Атырау облысының әкімі Нұрлан НОҒАЕВ көтерген болатын.
- Бұл орталықтарға қажетті хореографиялық залы, шеберханасы, лингафон кабинеттері бар заманауи ғимарат болады, - деді облыс әкімі Атырау облысында өткен Атырау облысы бойынша өңірлік ҚР Халықтар достығы Ассамблеясының ХХ сессиясында.
Жаңа ғимарат салу қажеттілігін шенеуніктер Достық үйінің қазіргі ғимараты өзіне сай емес, оның үстіне ғимарат төңірегінде дау туындап жатқанымен түсіндіреді.
Айнұр САПАРОВА