Атырауда 29 жастағы алаяқ 19 жастағы үш қала тұрғынын «бюрократиясыз» жүргізуші куәлігін алып беремін деп алдап, ақша алған. Біреуіне 100 мың теңгеге, екіншісіне 90 мыңға, үшіншісіне 60 мың теңгеге көмектеспек болған.
Алданғандар полицияға жүгінген соң, күдікті анықталып, ұсталды. ҚР ҚК-нің 190-бабы («Алаяқтық») бойынша сотқа дейінгі тергеу жүргізілуде.
Мұндай қызмет түріне сұраныстың болуы алаңдатарлық жағдай. Яғни жастар ешбір дайындықсыз рөлге отыруға әуес. Содан соң сұмдық апаттар болмай қайтсін...
Айнұр САПАРОВА