Атырау, 29 наурыз 00:17
 ашықВ Атырау +4
$ 448.15
€ 483.46
₽ 4.86

Оңтүстік Кореяның бұрынғы президенті қайтыс болды

1 070 просмотра

1990 жылы КСРО-мен дипломатиялық қарым-қатынас орнатқан Оңтүстік Кореяның бұрынғы президенті Ро Дэ У 88 жасында қайтыс болды. Бұл туралы "Ренхап" агенттігі жазды, - деп хабарлайды РИА Новости.

Ро Дэ У - 1988 жылдан 1993 жылға дейін елді басқарған әскери генерал. Ол Кеңес Одағы және КХДР-мен тығыз байланыс орнатып, басқа да социалистік елдерді тануға ұмтылған. Ро Де У 1990 жылы Сан-Францискода Кеңес Одағының президенті Михаил Горбачевпен кездесіп, екі мемлекет арасында дипломатиялық қарым-қатынас орнатқан.

Ро Дэ У 1951 жылы 17 тамызда Тэгу қаласында дүниеге келген, әскери білім алғаннан кейін армияда басшылық қызметтер атқарған. Чон Ду Хванның мұрагері болғаннан кейін Ро Дэ У премьер-министрлер деңгейінде диалог орнатқан, ал 1992 жылдың басында КХДР-мен шабуыл жасамау, татуласу, алмасу және ынтымақтастық туралы келісім күшіне енген.

Президенттіктен кеткеннен кейін Ро Дэ У Сеулде тұрды және 1995 жылы қарашада тұтқындалып, пара алғаны үшін түрмеге қамалған. Екі жылдан кейін елдің Жоғарғы соты оны 17 жылға бас бостандығынан айырды, бірақ көп ұзамай рақымшылық жасалып бостандыққа шыққан.

26 қазан 2021, 12:33

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.