Тәліптер өз қатарын "жаман адамдардан" тазалай бастады

Ауғанстанда "Талибан" қатарын (Қазақстанда тыйым салынған) жемқорлардан тазарту үшін барлау қызметі, ІІМ және ҚМ бірлескен комиссиясы өз жұмысын бастады, - деп хабарлайды Tengrinews.kz тілшісі РИА Новости сайтына сілтеме жасап.

Бұл қатарда туыстарының көмегімен лауазым алған адамдар, қылмыскерлер,өткені күмәнді адамдар немесе жергілікті халық жек көретін шенеуніктер болуы мүмкін.

"Талибан" қатары мен топтарын жаман, жемқор адамдардан тазарту үшін ислам әмірлігі министрлерінің бұйрығымен барлау басқармасы, қорғаныс министрлігі және ішкі істер министрлігі құрған бірлескен комиссия ел бойынша ресми түрде жұмысын бастады", - деп жазды қозғалыс өкілі Забихулла Мужахид Twitter-де.

Бұған дейін Талибан Путиннің ТМД елдеріне ескертуіне жауап берген.