Атырау, 29 наурыз 20:38
 ашықВ Атырау +1
$ 448.15
€ 483.46
₽ 4.86

Анасы ұлын төрт күннен соң іздеген

1 960 просмотра

Бір апта ішінде Атыраудағы Полиция басқармасына жасөспірімдердің хабар-ошарсыз кеткені туралы 7 хабарлама келіп түскен. Полиция қызметкерлері барлық жасөспірімді тауып, ата-аналарына табыстады.

Мысалы, 12 қазан түн ортасынан кейін 102 операторына 36 жастағы қала тұрғыны қоңырау шалып, 8 қазанда күндіз 14 жасар ұлының үйден шығып кетіп, хабар-ошарсыз кеткендігін хабарлаған. Жедел іздестіру кезінде жасөспірім аман-есен табылып, ата-анасына қайтарылған. 

Оның айтуынша, 8 қазанда анасымен сөзге келіп қалып, үйінен кетіп қалған және осы уақытқа дейін достарының үйінде болған. Ал, қаңғыбастықпен айналысқан жасөспірім Ішкі істер органдарының есебіне алынды. Тек 5 күн болғанда іздеуге жүгінген анасы ҚР ӘҚБтК-нің 442-бабы 2-тармағы (Кәмелетке толмағандардың заңды өкілдерінің еріп жүруінсіз түнгі уақытта тұрғынжайдан тыс жерде болуы) бойынша әкімшілік жауапкершілікке тартылды. Атырау әкімдігі жанындағы кәмелетке толмағандардың құқығын қорғау комиссиясына жолдау үшін анасына қатысты іс-құжаттар жинақталуда.

Полицейлер ата-аналарға қырағы болуды және балаларын қараусыз қалдырмау қажеттігін ескертеді. Балаларыңыз немесе жақындарыңыз адасып, жоғалған жағдайда тез арада «102» арқылы хабарлаңыз.

Дайындаған Зульфия ИСКАЛИЕВА

13 қазан 2021, 15:36

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.