Атырау облыстық ТЖД хабарлағандай, 5-6 қазан аралығында космомониторинг жүргізу кезінде Құрманғазы ауданының аумағында жану ошақтары анықталды. Жергілікті ТЖ бөлімінің қызметкерлері жерүсті барлау жүргізіп, Каспий теңізінің жағалауында шамамен аудан орталығынан 50-60 шақырым жерде қамыс жанып жатқанын анықтады.
Каспий жағалауын аралау нәтижесінде Мақаш ауылдық округінің аумағында және Теңіз ауылдық округінің ауданында екі фронтальды жану ошағы табылды.
Батпақты жерге байланысты қамысты арнайы техниканың көмегімен сөндіру мүмкін емес. Бүгін, 7 қазанда таңертең ВСУ-5 су ағызу құрылғысы және өрт-техникалық қару-жарағы бар ТЖД-ның 16 қызметкері бар "Қазавиақұтқару" МИ-8 тікұшағы жіберілді.
Өрт сөндіру жұмыстары жалғасуда.
Дайындаған Айнұр САПАРОВА