5 қазанда, кешкі сағат 21.40 шамасында Махамбет аудандық полиция бөліміне кәмелетке толмаған үш баланың - 7 жасар екі ұл бала мен 8 жасар қыз баланың жоғалғаны туралы хабарлама келіп түсті.
Балалар сағат 18.00 шамасында ойнауға шығып кетіп, үйге оралмаған.
Сол күні сағат 19.27-де жедел кезекші пультіне Махамбет ауданы Ортақшыл ауылы Жаскеленов көшесіндегі үйдің ауласына жиналған 22 дана бума шөп жанып жатқаны туралы хабар келіп түсті.
Өрт сағат 23.07-де толығымен сөндірілген. Өртенген шөптің арасынан жоғалған балалардың сүйегі табылған. ПД хабарлағандай, ҚР ҚК-нің 292-бабы (Өрт қауіпсіздігі талаптарын бұзу) бойынша сотқа дейінгі тергеу жүргізілуде. Сот-медициналық сараптама тағайындалды.
Дайындаған Айнұр САПАРОВА