Мақат кентінен 12 шақырым жерде құны 45,7 млн еуро болатын «Vestas» компаниясының жел электр станциясы салынуда. Келесі жылы іске қосылады деп күтілуде.
Атырау облыстық Энергетика және тұрғын үй – коммуналдық шаруашылық басқармасы берген мәліметке сүйенсек, «Дивииэл» ЖШС салып жатқан жел электр станциясының қуаты желдің толық күшімен 48 МегаВатт құрайды – Бұл Мақат ауданын электр қуатымен толық қамти алады.
Еске салсақ, Атырау облысындағы алғашқы жел электр станциясы 2019 жылы Исатай ауданы, Манаш ауылында салынып, іске қосылған еді.
- Қазіргі құрылғы да дәл сондай, айырмашылығы жел қағарларының саны аз - 24 дана (Манашта 36). Мұнда жел қағарларының 3 типі бар, биіктігі – 80, 90, 100 метр болады, әрқайсысының салмағы 7 тоннадан, - деді басқармадағылар.
Нұрбейбіт НҰҒЫМАНОВ