Атырау облысы денсаулық сақтау басқармасында жаңа басшы

Асхан Байдуалиев Атырау облысы Денсаулық сақтау басқармасының басшысы болып тағайындалды, деп хабарлайды Атырау өңірлік коммуникациялар кызметі.

Бұған дейін ол денсаулық сақтау басқармасы басшысының міндетін атқарушы болған.

Асхан Байдуалиев - дәрігер-уролог, медицина ғылымдарының кандидаты.

Асхан Байдуалиев - С.Ж.Асфендияров атындағы Қазақ ұлттық медицина университетінің түлегі, еңбек жолын урология және жіті нефрология кафедрасының ассистенті болып бастады. Алматы облысы Қарасай аудандық емханасының директоры, Алматы облысы Денсаулық сақтау басқармасының басшысы, С.Ж.Асфендияров атындағы Қазақ ұлттық медицина университетінің қосымша кәсіптік білім беру орталығының басшысы болды. С.Ж.Асфендияров  атындағы Қазақ ұлттық медицина университетінің клиникалық жұмыс жөніндегі департамент директоры қызметін атқарды. Шымкент қаласы Денсаулық сақтау басқармасының басшысы қызметін атқарды. 

Еске сала кетейік, Атырау облысы Денсаулық сақтау басқармасының бұрынғы басшысы Нұрлыбек Қабдықапаров өз еркімен орнын босатқан болатын.